# चियासँगको नाता

चिया सँग मेरो नाता अलि फरक छ।


अरु चिया पिउने बहाना खोज्छन्,

म भने चिया पिउने सङ्गत खोज्छु।

अरु चियाको लतमा रमाउँछन्,

म उनको चिया खुवाईमा रमाउँछु ।

अरु चियाको चुस्कीमा आनन्द खोज्छन्,

म चियासँगैका गफमा आत्मीयता भेट्छु।

अरुलाई चियामा दूध र चिनीको सही मात्रा चाहिन्छ,

मलाई भने कुरामा मिठास र न्यानोपन चाहिन्छ।

अरु चियालाई जीवन ठान्छन्,

तर म चियासँगैको क्षणलाई जीवन ठान्छु।