# जीवन एक डायरी

**जीवन एउटा डायरीजस्तै छ,**  
**जहाँ तिमी पहिलो पात्र भएर बस्छौ।**  
**म पाना पल्टाउँछु, कथा बुनिन्छ,**  
**तिमी भएर मात्र हरेक पाना रङ्गिन बन्छ।**

**तिमी भएकाले हरेक अक्षर बोल्छ,**  
**तिमी हाँसेपछि मात्र कविता मुस्कान पाउँछ।**<br>
**तिमी नहुँदा शब्दहरू फिका लाग्छन्,**  
**भावनाहरू अधुरा, अनि कथा अधकल्चो जस्तो।**  
**तिमी मुस्कायौ भने कविता आफैं बग्छ,**  
**अनि मौनताले पनि गीत बनाउँछ।**

**हरेक दिन, तिमी नाम भएर लेखिन्छौ,**  
**र म फेरि–फेरि तिमीमै हराउँछु।**  
**म लेखिरहन्छु, तिमी पढ्छौ या पढ्दैनौ,**  
**तर तिमी सधैं त्यस डायरीको पहिलो पाना हौ।**